Обвиниетелката во процесот „Ровер“, Лидија Раичевиќ ги повлече обвиненијата против пет лица-Едвард Фишер, Бранислава Стојчевски, Милан Спасов, Горан Петрески, Благоја Димитриевски, сите од МВР.
Како што објавува А1он.мк, обвинителката Раичевиќ во завршните зборови, за останатите меѓу кои и за екс министерот Љубе Бошкоски побара казна за убиството на Марјан Тушевски и Кире Јанев.
Раичевиќ за овие петмина кажа дека нема докази, а за другите побара да се сакционираат согласно законот. На прашањето каков доказ има за екс министерот Љубе Бошкоски таа рече дека е се доказ, макар и вербален.
За Љубе Бошкоски кој е обвинет за помагање во убиството на Тушевски и Јанев во 2001 г., беше донесен и заштитен сведок чиј вербален доказ беше единствено тврдењето дека неколкупати го возел Орце Коруновски на средби во куќата на Бошкоски, а еднаш слушнал додека се возеле како Коруновски му кажал дека Тушевски може да се ликвидира, за што зелено светло дал екс министерот.