Владимир Путин ја повлече забраната за демонстрации во и околу Сочи, за време на одржувањето на зимските олимписки игри и параолимписките игри во руското црноморско летувалиште.
Во указот кој денеска е објавен на сајтот на Кремљ пишува дека состаноците, собирањата, демонстрациите и маршевите кои не се поврзани со олимписките игри можат да бидат одржани на местата кои ги одобрува Министерството за внатрешни работи на Русија.
Минатата година Путин ги забрани сите демонстрации во Сочи кои не се поврзани со игрите кои ќе се одржат од 7 јануари до 21 март.
Таквиот потег на рускиот Претседател наиде на жестоки реакции и критики од страна на организациите за заштита на човековите права.