Сојузниците на Башар ал-Асад, велат воено дејство би предизвикало сериозни последици. Русија и Иран го предупредуваат САД и нивните сојузници против воена интервенција во Сирија.
Руското Министерството за надворешни работи изјави дека таквата интервенција би можела да доведе до „катастрофални последици за регионот и ја повика меѓународната заедница да покаже „ внимателност“ во текот на кризата.
„Обидите да се заобиколи Советот за безбедност, од уште едно создавање на вештачки неосновани оправдувања за воена интервенција во регионот, се поврзани со новите страдања во Сирија и катастрофалните последици за другите земји од Блискиот Исток и Северна Африка“, велат од министерството.
Русија исто така изрази жалење за одлуката на САД да го одложи состанокот закажан за среда во Хаг, Холандија за Меѓународната конференција за мир.
Генади Гатилов, заменик-министерот за надворешни работи на Русија, на Твитер напиша дека таквите разговори би биле особено важни за време кога „воена интервенција виси над Сирија“.
Претходно, САД напомена дека одложувањето се должи на тековните консултации за наводните напади со хемиско оружје во Сирија.
И Иран го повтори своето противење на американските напади, предупредувајќи дека воена интервенција би го проголтала целиот регион.
„Дефинитивно ќе има опасни последици за целиот регион“, изјави портпаролот на иранското Министерство за надворешни работи, Абас Аракчи.
Вчера, американскиот државен секретар Џон Кери додаде дека употребата на хемиско оружје не може да мине без последици, како и дека мора да се стори нешто за да се обезбеди тоа никогаш повеќе да не се случи.