Во Ставропол е дигната тревога – 250 километри од Сочи, каде ќе се одржува Зимската олимпијада, пронајдени се шест човечки тела со рани од оружје. Кога пристигнала полицијата, се случила детонација на експлозив.
Во Руската Федерација се засилени мерките за безбедност од терористички закани пред почетокот на Зимските олимписки игри коишто ќе започнат во Сочи на 7-ми февруари, особено по двојниот терористички напад во Волгоград кон крајот на декември кога беа убиени 34 луѓе.
Телата се пронајдени ноќеска во четири автомобили во две области во близина на регионалниот главен град Ставропол, што се смета за портата на северен Кавказ, каде што се активни исламистичките терористички групи на териториите на републиките Чеченија, Ингушетија и Дагестан.