САД денеска упатија предупредување до Русија дека секоја нивна понатамошна интервенција во Украина, дури и под изговор за обезбедување на хуманитарна помош, ќе се смета за “инвазија на Украина”.
Американската амбасадорка Саманта Пауер го изнесе предупредувањето на состанокот на Советот за безбедност за состојбата на човековите права во источниот дел на Украина, каде што владините сили се борат со про-руски сепаратисти.
Последните извештаи на Западот и Киев ја обвинија Москва за испраќање, според проценката на НАТО, на 20.000 војници на границата.
Пауер рече дека Русија не само што ја зголемува помошта на сепаратисти, туку трупа “се повеќе и повеќе” војници и опрема во близина на границата, и почна оваа недела, голема воени вежби и испалува гранати преку границата со Украина. Таа истакна дека Русија го предложила создавањето на “хуманитарни коридори” за да ја овозможи помошта за сепаратисти.
“Ние мора да се справиме со хуманитарната ситуација, но не со ситуацијата на оние кои таа ситуација ја предизвикаа”, рече амбасадорката.
Пауер го поздрави фактот што украинската влада отвора хуманитарни коридори за да му помогне на населението во областите под контрола на сепаратистите и да им се овозможи на цивилите да се евакуираат.
Ако Москва сака да им испрати помош на сепаратисти, рече таа, треба таа помош да ја испорача неутрална меѓународна организација како што е Меѓународниот комитет на Црвениот крст.