Фејсбук е повторно обвинет од судството во САД за почитување на приватноста. На 30 декември двајца корисници на социјалната мрежа отвороја заедничка акција против Фејсбук пред судот затоа што, велат, мрежата ги задржувала нивните приватни пораки во кои се наоѓаат линкови и тоа без одобрување на сопствениците.
«Фејсбук ги сканира пораките на тужителите и линковите со цел да ги анализира податоците во нив и да врши профилирање на корисниците», се вели во тужбата која ги покрива сите американски корисници кои забележале вакво однесување на Фејсбук. Тие тврдат дека социјалната мрежа дискретно ги анализира пораките за да добие што е можно повеќе приватни информациии кои се различни од оние објавени јавно. Потоа, Фејсбук ги користи овие информации со трети лица како што се рекламерите или маркетинг фирмите.
Тужителите исто така сметаат дека Фејсбук не ја кажува вистината, во параметрите на приватноста, кога вели дека приватните пораки не може да ги користи никој друг освен испраќачот на пораката и оној за кој таа е наменета.
«Ние сметаме дека овие тврдења се без основа и имаме намера да се браниме», вели портпарол на Фејсбук.
Двајцата тужители бараат крај на оваа пракса на социјалната мрежа доколку се покаже дека е сето тоа вистина и бараат сума од 100 долари на ден за секој корисник. Кон крајот на август Фејсбук успеа да договори исплата на 20 милиони долари по една друга заедничка акција која го обвинуваше сајтот дека додавала «Like» на некои рекламни објави и тоа без одобрување на корисниците.