Американските сили се “подготвени” да започнат напади врз Сирија ако претседателот Барак Обама одлучи да даде наредба, изјави за BBC, американскиот секретар за одбрана Чак Хејгел.
Американскиот државен секретар Џон Кери изјави дека е “непобитен” доказ дека Сирија користела хемиско оружје.
Велика Британија исто така подготвува планови за воена акција во Сирија.
Британскиот премиер Дејвид Камерон го прекина одморот и се врати во Лондон за да се справи со сириската криза.
Во Лондон е закажана седница на британскиот парламент која треба да се одржи в четврток. На неа треба да се разгледа можниот одговор на наводниот хемиски напад во близина на Дамаск.
Сојузници на Сирија, Русија и Кина, ги засилија нивните предупредувања против воена интервенција во Сирија, велејќи дека секоја таква акција ќе има “катастрофални последици” за регионот.
Во меѓувреме сирискиот министер за надворешни работи Валид Муалем изјави дека тој го отфрли “крајно и целосно” тврди дека сириските сили користеле хемиско оружје.
Муалем денеска се закани дека доколку Западот ја нападне неговата земја таа ќе се брани со оружје кое ќе го изненади светот.
Според него, обвинувањата дека сиријските владини сили во минатата недела употребиле хемиско оружје претставувале алиби за странска интервенција.
Неговата влада ги обвини бунтовниците за хемиски напад, на 21 август во близина на сирискиот главен град Дамаск, кога загинаа над 300 луѓе.
Вчера врз инспекторите за хемиско оружје на Обединетите нации беше отоврен снајперски оган.