-Администрацијата на претседателот Барак Обама почна директни испораки на оружје за курдските сили, кои бележат успеси во битките против исламските екстремисти во северен Ирак, соопштил денеска висок американски функционер, цитиран од „Асошиејтед прес”.
Досега САД следеа политика на продажба на оружје само за централната ирачка Влада во Багдад, но курдските вооружени сили – „Пешмерга”, кои се најдоа во првите редови на борбата против инвазијата на џихадистите, почнаа да отстапуваат пред притисокот на екстремистите во последниве недели.
Работникот не прецизирал кое американско министерство и какви оружја испорачува, но друг извор појаснил дека тоа не е Пентагон.
„Асошиејтед прес” потсетува дека во минатото со слични „дискретни” оружени испораки се занимавала и ЦИА.
Одлуката за директна помош за Курдите открива колку Вашингтон е загрижен од боречките успеси на џихадисти од „Исламската држава” во северен Ирак.
Тоа се одразува и на визијата на Белата куќа дека жителитена Ирак треба да ги преземат неопходните чекори сами да решат сопствените проблеми со безбедноста.
-Со овие напори, американската администрација е многу блиску и до одобрување на планови за Пентагон да ги вооружува Курдите, вели друг висок претставник на администрацијата на Обама.
Во последните денови американските воени сили помагаат да се олесни испораката на оружје од ирачката армија за Курдите, како и обезбедиување логистичка поддршка и транспорт за оружје кон Северен Ирак.
Оваа дополнителна помош доаѓа откако викендов курдските сили ги вратија двата града од џихадистите. Тоа стана со делумна поддршка на американските воздушни напади над позициите на џихадистите во регионот. Во исто време американската администрација внимателно го следи развојот на политичката криза во Багдад.