Владата на САД има помалку од 48 часа да го избегне исклучувањето на владините услуги во услови на политичките поделби за Законот за здравствена заштита на претседателот Барак Обама, јавува Си-Ен-Ен.
Претставничкиот дом воден од Републиканците гласаше да се повлече финансирањето на законот, со што се подигнаа шансите за исклучување.
Владата треба да се согласи на нова политика на широко трошење пред затворање на фискалната година, која завршува на полноќ во понеделник.
Ако тоа не успее, неесенцијалните федерални услуги се соочуваат со затворање, додека вработените ќе бидат маргинализирани или оставени да работат без плати.
Рано во недела, Домот донесе изменетата верзија на трошење на нацрт-законот на Сенатот кој го исфрли финансирањето од Законот за здравствена заштита.
Лидерот на мнозинството во Сенатот, Хари Рид, вети дека неговата комора предводена од Демократите ќе го одбие Законот на Републиканците.
Во четвртокот претседателот Барак Обама кажа дека е несфатливо однесувањето на републиканците кои продолжуваат да се противат на законот за здравствена грижа. Тој ја обвини републиканската опозиција за обид за уцена, преку оневозможување на финансирањето на Актот за достапна грижа, да предизвикаат делумно затворање на владата почнувајќи од 1-ви ктомври.
Спикерот на Претставничкиот дом Џон Бејнер истакна дека постои мала веројатност домот под контрола на републиканците да усвојат мерка за привремени трошоци што би ја финансирала владата по 1-ви октомври. Доколку не се постигне договор до 17-ти октомври, САД нема да можат да ги исплаќаат своите долгови за прв пат во историјата.
Претставничкиот дом подоцна неделава се очекува да ја усвои мерката со која Одделот за финансии ќе може да ја подигне крајната граница за позајмување, воведувајќи едногогодишно одложување на Актот за достапна грижа, со кој се прошируваат трошоците за здравствена грижа за милиони во моментов неосигурани Американци.