Сал Паоло: Отворањето на Светското првенство во фудбал

Церемонијата на Светското првенство се одржа во Арена де Сао Паоло во Бразил со топ-изведувачи, вклучувајќи ја Џенифер Лопез.

Таа излезе на сцената да ја пее официјалната песна на ФИФА Светското Првенство , “Ние сме едно (Ола Ола)”, заедно со Питбул и бразилската поп ѕвезда Клаудија Лејте.

Церемонијата започна со деца кои скокаа на тобогани и луѓе облечени како дрвја кои шетаат во форма на огромен свет во центарот на теренот.

На сцената беа и голем број танчери кои се претставија со различни соло и заеднички точки.

Првенството го отвори домаќинот Бразил, кој ја победи Хрватска во првиот натпревар на турнирот, кој го проследи толпа на повеќе од 60.000 луѓе, од кои 12 беа странски шефови на држави.

Натпреварот, започна по 21 часот и додека траеше надвор дојде до насилни судири меѓу полицијата и демонстрантите, кои се обидоа да ги блокираат клучните патишта кои водат кон стадионот.

Демонстрантите се прегрупираа за околу два часа подоцна и повторно се судрија со полицијата во три блока, фрлајќи камења и палејќи ѓубре.

Локалните медиуми објавуваат дека најмалку едно лице е уапсено, додека продуцентот за вестите за мрежата Си- Ен-Ен според очевидци бил меѓу повредените.

Сао Паоло, кој е најголемиот град во Бразил и бизнис центар, до четвртокот личеше само на град на духови поради делумно прогласениот празничен ден, со цел да се обезбеди сообраќај до фудбалскиот стадион.

Но, возбудата почна да се шири уште во средата. Фановите мавтајќи ги знамињата на Бразил се качија на возови и се упатија кон стадионот, додека хрватските поддржувачи пиеле пиво на „Авенида Паулиста“, една од најпознатите сообраќајници во градот.

Тимот на Бразил, предводен од ѕвездата- напаѓач, Нејмар (22), освен што ја победи Хрватска, планира и да ја освои рекордната шеста титула на Светското првенство.

Влоговите се високи. Доколку турнирот заврши успешно, се претпоставува дека тоа може да има ефект врз шансите за реизбор на претседателката Дилма Русеф во октомври.

Таа ги отфрли критиките за прекумерно трошење и ги повика Бразилците да застанат зад националниот тим.