Писмото на Груевски е во рацете на Сaмарас.Писмото е стигнато во Грција и се проучува – високи грчки дипломатски извори за Канал 5 потврдуваат дека дописот на Груевски до Самарас, пристигнал во премиерската палата, и го разгледуваат. Повеќе детали не се откриваат.
Груевски бара од Самарас интензивирање на разговорите
Грчките новинарски кругови од македонските медиуми дознаа за писмото и целата информација ја примија со доза на резерва, во однос на тоа колку е можно да се остварат барањата на македонскиот премиер, со оглед на тоа дека неговиот грчки колега во овој период ја има Тројката во Атина, со која се водат тешки преговори за обврските кои Грција ги има кон кредиторите.
Непоправлива е скопската страна по неуспехот за почеток на пристапни преговори со европската унија- коментира Етнос, а според весникот, писмото е комуникациски трик.
„Премиерот на ФИРОМ се најаде во непријатна ситуација,но наместо да е самокритичен, смета дека за се одговорноста ја сносат другите и смета дека со комуникациски трикови ќе ја измами и меѓународната заедница и народот.“ – пишува Етнос во кусиот коментар.
Останатите грчки медиуми, само ја пренесоа веста од грчката новинска агенција, без дополнителни анализи, коментари или детали.
И лани,на 31 јули, Груевски испрати писмо до Самарас во кое бараше диркетни средби. Грчкиот премиер му одговори на 4 септември и одби да се сретне со него, негираше дека Грција ни го блокира евроатлантскиот пат и обвини за крадење на историјата.