Само две понуди за унифициран изглед на дуќаните во Старата скопска чаршија

Само две понуди стигнале на јавниот повик за избор на идејно решение за изгледот на излозите во Старата скопска чаршија.

Министерството за економија од двете решенија, за кои е доделена втора и трета награда, ќе направи комбинација за тоа како ќе изгледаат излозите, а трошоците за уредувањето ќе ги покријат Министерството за економија и Општината Чаир.

Втората награда ја добила фирмата „Фајнарт мултимедија“ која има идејно решение за излог за златарница, а третата е за фирмата „БИМС компани ДООЕЛ“.

Идејата за унифициран изглед на дуќаните во Старата чаршија не наиде на позитивен прием меѓу дуќанџиите и експертите, кои беа против нарушувањето на автентичноста и духот на чаршијата.