Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Само стабилност на Западен Балкан не е доволно

0
By Нова ТВ on April 30, 2019 ВЕСТИ
СПОДЕЛИ
Facebook Twitter LinkedIn Email
Published: Tuesday, April 30, 2019 11:26

Стабилноста на Западен Балкан е во интерес на Европа – тоа е формулата околу која Германија и Франција најдоа најмал заеднички именител во врска со овој регион. Но, само тоа не е доволно, смета Аделхајд Фајлке, објави Дојче Веле.

Стабилност, стабилност, стабилност – тоа е заедничкиот именител на повторниот поинтензивен ангажман на Германија и Франција околу Западен Балкан и она што ги поврзува инаку доста различните политички позиции на Берлин и Париз кон шесте земји од регионот. Тоа е и реалистичка основа со која јасно се става на знаење кои се интересите на Европа на Западен Балкан, без да се даваат лажни ветувања и да се будат нереални надежи. На заедничката конференција за Западен Балкан, Ангела Меркел и Емануел Макрон од почетокот јасно кажаа за што нема да стане збор на самитот: ни заперспективата за приклучување кон ЕУ, ни за Берлинскиот процес, исто така не и за тоа како на Белград и Приштина да им се пропише „некое решение за спорот околу Косово“. Од друга страна јасно беше кажано за што ќе се зборува: безбедност, борба против шверц на оружје, тероризам, нелегална миграција и организиран криминал. Тоа се заеднички интереси и приоритети во регионот.

Стабилност проследена со политички мерки

Приматот на стабилноста ја прави уверлива политиката кон Западен Балкан и таа може уверливо да им се објасни на членките на ЕУ. Но, таа мора да биде проследена и со политички мерки. Зашто, на крајот на краиштата, само еден политички доверлив партнер може да ја гарантира и саканата стабилност. А доверливоста и на Западен Балкан функционира само преку демократски контролни органи и демократски легитимирана политика.

Оној кој денес не се придржува кон принципите на правната држава, утре нема да се придржува ни кон некои принципи во својата надворешна политика. Да се стават сите карти на стабилократи, кои навистина можат да ја запрат реката бегалци, но истовремено ги подриваат и принципите на демократијата, би било кратковидо. Грешките кои се направени во други региони не би требало да се повторат на Западен Балкан.

Затоа е многу добро што на крајот на самитот за Западен Балкан сепак се дојде до јасни заклучоци од германско-француското копретседателство, кои би требало да бидат задолжителни за сите учесници. Меѓу останатото тука станува збор за „јасната определба за демократија(…), за правна држава, за одговорно однесување внатре во државите, за борба против корупцијата и организираниот криминал и за јакнење на улогата на цивилното општество и независните медиуми“. Познато е дека хартијата може сѐ да истрпи. Но, би било фатално ако го немаше овој сигнал и ако не беа формулирани овие барања.

Токму тоа поврзување на интересите за стабилност и свртеност кон иднината овозможи минатата годинарешение на долгогодишната кавга помеѓу Грција и Република Северна Македонија околу името.

ЕУ повторно во игра

Тоа би требало да бидат параметри кои би требало да важат и во врска со барањето решение на косовското прашање. Спорот меѓу Белград и Приштина веројатно беше најважната причина и најтешката задача на самитот во Берлин. Требаше дефинитивно да се закопа идејата за промена на граници меѓу Србија и Косово, идеја која претседателите на двете земји веќе со месеци ја подгреваат, со поддршка од САД. Таа идеја во многу европски престолнини предизвика аларм, зашто таа крши еден табу: промена на границите како дел од некоја билатерално договорена размена на територии. Зашто, многумина не без причина се плашат дека тоа би имало негативни последици и за соседните земји, пред сѐ за Босна и Херцеговина, чија фрагилна конструкција може во секој момент лесно да се доведе во прашање преку кршење етно-политички табуа.

На крајот, инсистирањето на Меркел и Макрон на дијалог под покровителство на ЕУ покажа ефект: Србија и Косово повторно ќе седнат на маса да разговараат, со цел да се постигне општ и конечен договор, кој ќе ја зачува стабилноста во регионот и отвора пат кон ЕУ.

Сериозното работење на реализирање барем на половината од овие заклучоци, ќе значи голем успех на овој берлински самит за Западен Балкан. И тоа би значело дека врз основа на заедничките интереси за стабилност доаѓа до заеднички политички настап на Франција и Германија во тој регион. Со тоа овој силен европски тандем внесува нова динамика во процесите во регионот, кои или се блокирани или водат во погрешен правец, првенствено во односите меѓу Косово и Србија. Важно е сега оваа нова динамика и притисок од Париз и Берлин да бидат задржани. Инаку, тие повторно ќе се распрснат некаде на релација меѓу Белград и Приштина.

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.