Само уште еден повреден од автобуската несреќа се лекува во болницата во Софија

Уште четворица повредени во сообраќајката на автопатот Струма денеска се отпуштени од „Пирогов“, соопштија од болницата.

Медицински тимови од Македонија и Србија ги презеле пациентите за да ги однесат дома.

Еден од повредените останува на опсервација на Клиниката за неврохирургија во Софија. Тој претходно имал две успешни операции на потколеницата и ‘рбетот.

Од болницата информираа дека сите пациенти биле стабилни и во добра општа состојба.

Седмиот пациент, кој претходно беше опериран на Клиниката за ортопедија и трауматологија, а подоцна и на Клиниката за неврохирургија е во стабилна состојба.

Според информациите од амбасадата в среда седмиот пациент ќе биде пуштен од „Пирогов“.