Иако се уште нема потврда од Државната изборна комисија , Сашко Николов од СДСМ, неофицијално, е новоизбраниот градоначалник на Штип, на предвремените локални избори. Тој добил најголем дел од гласовите на жителите, а во трката учествуваше со уште четири кандидати.
На изборниот ден е исполнет и цензусот, односно, гласаа повеќе од една третина од запишаните гласачи. Од 41.777 запишани гласачи, своето право го оствариле 14.328 граѓани или 34.30 отсто.
Во партиското седиште на СДСМ во Штип веќе се собираат членовите и поддржувачите на кандидатот Николов, за да му ја честитаат победата. Николов по професија е кардиолог и работи во Клиничката болница во Штип, каде е основач на Одделот за интервентна кардиологија.