Фотографијата која ја направи членот на екипажот на „Катар ервејс“, привлече многу внимание на социјалните мрежи и во светските медиуми. Саудискиот принц ги смести своите 80 соколи во економска класа…И тоа, меѓу патниците?
Колку и да звучи неверојатно и чудно, во прашање не е невообичаена пракса. „Катар ервејс“ регуларно ја нуди таа услуга во економска класа.
Во правилникот на оваа авиокомпанија постои поглавје кое се однесува токму на соколи. Таму е наведено на официјалниот интернет сајт, на страница која се однесува на животни и миленичиња: „Во кабината на економска класа може да внесете еден сокол, а максимум шест птици можат да бидат сместени во таа кабина според прописите“.
Цената се движи од 135 до 630 долари по птица, во зависност од дестинацијата. Секако, мора да бидат правилно подготвени за летот.
Соколите на принцот, беа снимени и пред три години, на едно исто такво патување со авион. Погледнете како изгледа тоа во видеото.