Данела Арсовска работи против интересите на Градот Скопје и на граѓаните и заради лични каприци поништи јавен оглас кој беше на крајот од процедурите и со кој требаше да се вработат 20 нови пожарникари во Бригадата за противпожарна заштита на Град Скопје, обвинуваат од СДСМ.

Од таму велат дека иако е евидентен недостигот на пожарникари во Град Скопје, Арсовска го спречила вработувањето на пожарникарите, со што ја загрозува општата безбедност на градот и граѓаните.

-Во изминатите четири години Град Скопје, раководен од СДСМ, сериозно инвестираше во унапредување на условите за работа на пожарникарите. Платата на пожарникарите се покачи за 20 отсто, а беше инвестирано во нова современа опрема за поголема заштита и поефикасна работа на пожарникарите. Данела Арсовска пред граѓаните го разоткрива своето режимско лице и покажува дека работи исклучиво за лични и партиски цели, се вели во партиското соопштение.