Според СДСМ, гувернерот Димитар Богов во интервјуто за телевизија Алфа, признал дека најголемата опозициска партија била во право и дека јавниот долг на Македонија е 50 отсто од БДП-то.
– Во интервјуто за една партиска телевизија вчеравечер гувернерот Богов соопшти дека со издавањето на евообврзницата, во моментов јавниот долг изнесува 50 проценти од БДП.Признанието на Богов е директна потврда на тврдењата на СДСМ. Со ова Богов ги разобличи манипулациите на Миновски кој ден претходно на Веб страницата на Министерството објави намалување на јавниот долг, се вели во соопштението на СДСМ.
СДСМ потенцира дека, “власта на Груевски“ со најновото задолжување од 450 милиони евра преку еврообврзницата го качила јавниот долг на историски највисоко ниво досега.
– Сите инволвирани во издавањето на незаконската еврообврзница и во другите неразумни задолжувања што влијаат на зголемување на јавниот долг на 50% од БДП, ќе одговараат, порачува партијата во своето соопштение до медиумите.