СДСМ до вечер на ИО се очекува да ја донесе одлуката кој отпаѓа од трката за лидер на оваа партија. Во игра е тројката- Игор Ивановски, Зоран Јовановски и Зоран Заев. Во пакет со Заев оди и Радмила Шеќеринска, како негов потпретседател, изјавуваат високи извори од СДСМ за НОВА.
Најдобрата варијанта е заеднички кандидат избран од оваа тројка, смета дел од партијата.
Кире Наумов е четвртиот кандидат за лидер, но тој не е дел од овие преговори и доколку би се настапило со само еден кандидат од тројката, главната “битка” би се водела помеѓу Наумов и изборот од тројцата кандидати.
Како што веќе објави НОВА, со заеднички договор на Ивановски, Јовановски и Заев, всушност би се намалил бројот на кандидати откако еден од нив доброволно би истапил од трката за прв човек на најголемата опозициона партија. Во пакет со Заев оди и радмила Шеќеринска, како негов потпретседател.
Високи извори од СДСМ објаснуваа дека идејата на намалување на кандидатурите е спречување на трошење на енергијата и оттука предизвикување на поделби и раскол, наместо да се спојат концептите и визијата не само за партијата туку и во име на интересите на државата. Конечно, ваквиот потег се образложува и со искуството на постарите, зрели демократии, каде во изборната трка влегуваат најмногу тројца кандидати.
Со ваквиот потег, само би го зајакнале единството во партијата, велат нашите извори, затоа што ионака селекцијата ќе биде направена на јунскиот Конгрес, што може евентуално да направи поделби, кои најмалку и се потребни на земјава во овој момент.