Денеска, агентите го одложија издавањето на еврообврзницата во вредност до 650 милиони евра, но истата не е целосно откажана, соопштуваат од СДСМ веднаш по одложувањето на евро-обврзницата откако до главните гарани биле испратено писмо од член на СДСМ во кое се наведува дека земјата можеби нема легална основа за нејзино издавање.
Во последниот период, Социјалдемократскиот Сојуз на Македонија предупредуваше дека доколку се случи издавањето на еврообврзницата на овој начин, истото ќе прекршува неколку закони на Република Македонија, се вели во соопштението на СДСМ.
„Одложувањето е потврда дека сите аргументи и апели за ова финансиското злосторство по налог на Никола Груевски од 650 милиони евра е незаконско и на штета на граѓаните, економијата и идните генерации се успешни. Синволвирани страни во процесот на издавањето на еврообврзницата, се обврзани да дејствуваат во рамки на важечката правна регулатива.
Социјалдемократскиот Сојуз на Македонија и понатаму нема да отстапи од ставот, дека доколку се издава еврообврзница, истата треба да се издаде по истата постапка по која што беше издадена еврообврзницата во ноември 2015.
Нема да дозволиме последиците од клиентелизмот, криминалите и расипничкото однесување да ги трпат нашите деца. Ќе се бориме за секој денар. Ќе се бориме за сите граѓани, за иднината на Македонија“, стои во соопштението на опозициската СДСМ.