Текот и исходот на лидерската средба одржана во Брисел, под покровителство на еврокомесарот за проширување Јоханес Хан, предизвикаа различни коментари, шпекулации и дезинформации во медиумите и во јавноста во Македонија.
СДСМ укажува дека ставовите на партијата по повод одржаната средба биле презентирани во изјавите на партиските функционери и во официјалните соопштенија на партијата.
– Воедно, уште еднаш ја поздравуваме целосната посветеност пред се на еврокомесарот Јоханес Хан, како и на останатите меѓународни претставници присутни во Брисел, американскиот амбасадор во Македонија, Џес Бејли, амбасадорот на ЕУ во Македонија, Аиво Орав, претставникот на службата за надворешни работи и безбедносна политика на Европската унија, Ален Ле Роа како и на европратеникот Иво Вајгл и изразуваме благодарност за активното учество и личниот придонес преку давање предлози и решенија за излез од длабоката политичка криза во којашто се наоѓа Република Македонија, се вели во соопштението на СДСМ.