Реакција на изјавата на премиерот Никола Груевски во врска со Комисијата за истражување на настаните од 24 декември:
– СДСМ изразува жалење што денес и премиерот лично ја продолжува досегашната лицемерна игра на власта. Од една страна првенците на власта јавно глумат конструктивност, а од друга страна молат бога и бараат начини по секоја цена да не се формира Комисијата за истражување на настаните од 24 декември.
– Со денешната изјава Никола Груевски потврди дека за него се многу поважни партиските интереси и криењето на вистината, отколку иднината на Република Македонија.
– Уште еднаш повторуваме дека ги вложивме и се уште ги вложуваме сите напори што е можно побрзо да се формира комисијата. До сега предложивме седум кандидати за претседател и прифативме еден предлог на ВМРО ДПМНЕ за претседател на ова тело. Затоа апелираме до ВМРО ДПМНЕ наместо лажна конструктивност на дело да покажат дека сакаат да се расчистат сите околности поврзани со 24 декември, се вели во рекцијата од СДСМ.