– Единствени коишто вршат врз притисок врз деловните субјекти во Република Македонија, па и на банките, се Никола Груевски и ВМРО-ДПМНЕ, реагираат од СЕДСМ, на изјавата на гувернерот на Народната банка Димитар Богов.
„Јавноста дозна од проектот Вистината за Македонија“, се вели натаму во партиското соопштение, „како лично Груевски врши притисок и диригира рушење на деловниот објект Космос, инвестиција вредна 30 милиони евра. „Му тече низ панталони“, „со динамит тоа, да не го тупиме“ се зборови на Никола Груевски. Јавноста слушна за нарачаните инспекции на УЈП, казните од илјадници евра и затворањето на фирмите низ Македонија по налог на ВМРО-ДПМНЕ“.
– „Пиштење и вриштење“ се зборовите со кои Миле Јанакиевски од ВМРО-ДПМНЕ се ситеше на сите затоврени и казнети фирми. Тоа е вистината! Гувернерот Димитар Богов којшто се јавува во улога на портпарол на Груески и Ставрески треба да го штити интересот на државата и на граѓаните. Големите светските банки пред неколку дена прифатија да купуваат државни хартии од вредност издадени од Република Македонија само кога нивното издавање е потпишано од министерот за финансии и од дополнителниот министер за финансии, се додава во соопштението.
Од СДСМ истакнуваат дека денеска им напоменале на домашните банки да не се водат од политичката одлука на партизираната Државна изборна комисија, на којашто и истекува мандатот, туку врз основа на законот, следејќи го пристапот на светските банки со издавањето на еврообврзницата.
Од оваа партија велат дека ќе ги искористат „сите механизми за спречување на изборна корупција“.