Еве колку ги чинат граѓаните на Република Македонија оние кои одработуваат за Никола Груевски и неговата Влада. Според оваа фактура, најмалку 40 илјади евра, за уредник, по зделка, рече Петре Шилегов на прес конференција денеска. Во продолжение ви го пренесуваме интегралниот текст од прес конфернецијата на СДСМ.
-Имено, омилената уредничка на Никола Груевски и на ВМРО-ДПМНЕ во телевизија Сител, Ивона Талевска, главен и одговорен уредник и во весникот Вечер, била и омилен бизнис партнер на власта во секторот здравство. Дека уредничката се извештила во успешен трговец, говорат овие 40 илјади евра од сметката на семејната фирма на Талевски.
Според овој документ, Талевска, 25 дена пред Нова Година, склучила бизнис со Клиниката за радиологија во Скопје, тежок, најмалку 40 илјади евра. Станува збор за апарат што Клиниката за радиологија одлучила да го набави токму преку фирмата на Талевски, Визарис.
Оваа фирма, Визарис, е во сопственост на мајката на Ивона Талевска, Лимба Талевска и на извесен Марко Петровиќ од Белград.Значи основана со мешовит српско – македонски капитал. Тоа го покажуваат податоците од овој официјален документ од Централниот регистер на Република Македонија, изваден пред 10 дена. Самата уредничка, Ивона Талевска, како што е наведено на фактурата тешка 40 илјади евра, е лице за контакт во Визарис.
Фирмата на Талевска, Визарис, е регистрирана за трговија со медицинска опрема, апарати и информациони системи во здравството. Интересно, седиштето на фирмата Визарис, чиј сопственик официјално е мајката на Ивона Талевска, е во Градскиот парк во Скопје, на Градски стадион, без број. Очигледно ќерката уредичка има повеќе работни ангажмани на оваа адреса.
Ивона Талевска освен уредник на вести е и лице за контакт за трговија со медицинска опрема, а нејзината мајка Лимба, од работничка, техничко лице во Македонската телевизија напредува во сопственичка на фирма, партнер достоен за Владата на Груевски за опремување клиники.
Ги повикуваме премиерот Никола Груевски и министерот за здравство Никола Тодоров да кажат дали ова е уште еден од начините на корупција на медиумите, бидејки очигледно дека владините реклами не се единствениот механизам на власта за контрола на медиумите.