Предложените измени на Деловникот на Собранието се обид за продлабочување на кризата, ова е ставот на СДСМ.
-Секој нов чекор на ВМРО-ДПМНЕ оди во насока на целосно укинување на парламентарната демократија во земјата, реагираат од СДСМ.
Од опозицијата велат дека не им е првпат на ВМРО – ДПМНЕ да предлага измени на Деловникот за работа кога опозицијата го бојкотира Парламентот.
Во истовреме за коалициониот партнер на власта ДУИ нема ништо спорно.
Пратеникот на ВМРО – ДПМНЕ, Александар Николовски денеска предложи да се ограничи дискусијата на пратениците, односно да зборуваат повеќе пати, но не подолго од 20 минути, а координаторите на пратеничките групи не подолго од 30 минути при општ претрес на законите во Комисија во прво читање.
Во второ читање, односно при амандманска расправа пратеник да може да говори еднаш не подолго од 10 минути, а координатор на пратеничка група не подолго од 15 минути.
Николовски предлага во општ претрес и во амандманска расправа, дебатата да трае не повеќе од три дена.