Претседателот на СДСМ, Бранко Црвековски ја отфрли иницијативата на претседателот Иванов за формирање непартиска експертска комисија за утврдување на фактите за настаните од 24 декември. Во писмсниот одговр на Црвенковски се вели:
“За жал, Вашиот предлог за формирање на “експертска комисија“ за утврдување на фактите го оценуваме како уште еден обид да се одложи соочувањето на актуелната власт со сопствената одговорност, и затоа за нас е неприфатлив. Ниту на домашната, ниту на меѓународната јавност не им се потребни комисии за да се утврдат фактите, бидејќи снимките со вистината за прекршувањето на процедурите, Деловникот, Законите и Уставот и суспендирањето на парламентарната демократија од страна на власта, веќе го обиколија светот”
Во одговорот Црвенковски го повикува Иванов на договор за организирање на предвремени парлементарни избори.
“Во оваа прилика сакам уште еднаш да Ве уверам дека кај нас постои искрена политичка волја заеднички да ги утврдиме и реализираме сите предуслови за одржување на слободни и фер предвремени парламентарни избори како прв неопходен чекор за нормализирање на односите и враќање на демократијата во земјата” се вели во писмото на Црвенковски упатено до претседателот Иванов.
Интегралниот текст на писмото на Црвенковски прочитајте го ТУКА