ВМРО-ДПМНЕ реагира на најавата на СДСМ за кривична пријава до претседателот на Собранието, Трајко Вељаноски.
Во реакцијата се вели дека како партија никогаш не се криеле, ниту поистоветувале со институциите, напротив ја почитувале правната држава, владеењето на правото.
– Игор Ивановски наместо да држи безпредметни изјави добро би било да се врати во Собранието на Република Македонија заедно со своите колеги, да се извини за насилното однесување кон своите колеги пратеници и да ја плати штетата која тој и неговите колеги ја направија врз државен имот купен со пари на граѓаните. Тоа е вистинското поимање на демократијата“, стои во реакцијата.
ВМРО-ДПМНЕ смета дека основниот демократски принцип е почитувањето на законите, Уставот и институциите во државата. Според партијата, СДСМ креира хаос и насилство до цел да дојде на власт, држејќи ги притоа во залог граѓаните и државата.
Претходно, координаторот на пратеничката група на СДСМ, Игор Ивановски најави кривична пријава за претседателот на Собранието Вељаноски, поради прекршување на Уставот, Законот за Собрание и Деловникот, и насилното исфрлување на пратениците и медиумите.