ВМРО-ДПМНЕ очајно се обидува со лаги да го дефокусира вниманието од милионските тендерски, станбени и коруптивни афери на власта на Никола Груевски. Сите институции се под раководство на власта на Никола Груевски и ако имаше што било незаконско во посочените тендерски процедури тие досега ќе реагираа. Обвинувањата на ВМРО-ДПМНЕ немаат врска со вистината, реагира ОО на СДСМ Куманово по обвинувањата за местење на тедери.
ВМРО – ДПМНЕ: Зоран Дамјановски постапува исто како Зоран Заев
„Претпријатието за електро-исталатерски услуги Светлост Куманово чијшто сопственик е Љубисав Крстевски, е референтна фирма којашто ги исполнуваше сите предвидени законски услови и добиваше работа во Куманово за тековно одржување, реконструкција и изгрдаба на улично осветлување во период од 2005 до 2007 година. Самиот сопственик Љубисав Крстевски е во кумовска врска со актуелниот претседател на ОК ВМРО ДПМНЕ Куманово Мирослав Стојановски – Дит“, соопштуваат од СДСМ Куманово.
– Во 2007 година фирмата Светлост Куманово го откупува уделот од единственото конкурентно претпријатие ЕЛЕКТРО КУМАНОВО и заедно како такви настапуваат на следните исто така регуларни тендерски постапки што се неколку пати контролирани од релевантни институции на РМ.
– До пред година СВЕТЛОСТ Куманово и ЕЛЕКТРО Куманово беа единствените што ги поседуваа сите потребни документи за утврдување на способноста, што се бараат согласно огласите за јавни набавки и тендерските документации коишто се во содејство со Законот за јавни набавки. Поради тоа и тие фирми ги имаат добивано тендерските постапки во општина Куманово.
– Во тој период Горан Стојковски не бил ниту вработен во која било институција под надлежност на локалната самоуправа, ниту пак е во некакви роднински или партиски врски со градоначалникот на општина Куманово. Потпишувањето на договорот со Ј.П. Водовод и ЕЛЕКТРО Куманово е во време на претходниот директор на Ј.П. Водовод. Горан Стојковски е директор на ова претпријатие само 5 месеци и е именуван на оваа функција како експертско решение, а не како наметнато партиско решение, објаснува СДСМ Куманово.
Тие ја повикуваат ВМРО-ДПМНЕ да престане со лагите и да одговори на аферите што ја тресат Владата на Никола Груевски.