Портпаролот на СДСМ, Петре Шилегов на прес конференција објави дополнителни информации за корумпирање на медиумите со пари на граѓаните.
– Тој посочи документи според кои во 2013 година Владата на Никола Груевски префрлила над 280 илјади евра на сметката на Канал 5 телевизија, преку најмалку пет трансфери.
– Дури 240 илјади евра од овие пари Владата ги префрлила на Канал 5 во еден ден, на 30-ти ноември 2013 година.
– Дополнително, исто така преку само пет трансфери, Владата на Никола Груевски префрлила над 230 илјади евра и на сметката на Алфа телевизија.
– Идентично како примерот со Канал 5, најголемиот дел од овие пари, дури 216 илјади евра Алфа телевизија ги добила од Владата во само еден ден, на 10-ти декември 2013 година. Само десетина дена подоцна од трансферите кон Канал 5.
– Веќе објавивме дека во 7 различни денови во 2013 година Владата префрлила на сметката на Сител телевизија повеќе од 1 милион евра за кампања, од кои 450 илјади евра за Сител во еден ден, на 23 дена пред локалните избори.
– Со новите информации кои ги презентираме, значително се зголемува сумата што Владата на Никола Груевски ги префрлила на своите омилени медиуми во 2013 година. Од овие трансакции што само денеска ги објавуваме, Владата им префрлила на трите телевизии 1,5 милиони евра во 2013 година.
– Што одработуваат овие медиуми за владата на Груевски и колку нивната наклонетост кон Владата ги чини граѓаните за цела една година?, праша Шилегов