СДСМ не гласал за Законот за амнестија како што тоа го изјави владечката партија.
Во својата реакција на денешната “бомба” на СДСМ за хашките случаи ВМРО-ДПМНЕ рече дека “Законот за амнестија е донесен во 2002 година, а за него меѓу другите гласале и Бранко Црвенковски, Радмила Шеќеринска Јани Макрадули и Никола Поповски.
На ова одговори и СДСМ испраќајќи список до медуимите во кој се гледа дека “пратеници на ВМРО-ДПМНЕ и пратениците на ДУИ гласале „за“ а пратениците на СДСМ гласале „против“, вели СДСМ.
Опозицијата вели дека “Никола Груевски продолжи да ја лаже јавноста и да манипулира, што покажува за каква неморална личност станува збор.
Законот за амнестија за хашките случаи е донесен по договорот на Груевски со Ахмети во 2011 година, по нарачка, како што денеска слушна целата јавност, на Никола Груевски.
Лично Груевски наредил Владата да даде автентичното толкување со што ќе отвори пат за донесување на Законот за амнестија за хашките случаи, спротивно на препораките од Комитетот за тортура што ја исклучуваат амнестијата за овие случаи.
Законот за амнестија за хашките случаи е изгласан во Парламентот на 19 јули 2011 година.
За потсетување на Никола Груевски во прилог го испраќаме и листингот од гласањето, од којшто може да се види дека пратеници на ВМРО-ДПМНЕ и пратениците на ДУИ гласале „ЗА“ а пратениците на СДСМ гласале „против“, вели СДСМ во своето соопштение. И додава дека со ова “падна маската на лажниот патриот Никола Груевски”.