СДСМ вечерва нема да гласа за поништување на одлуката за распуштање на Парламентот поради тоа што не е постигнат договор за медиумите, велат високи партиски извори за НОВА.
Меѓудругото, вчера на прес конференција во партиското седиште лидерот на СДСМ Зоран Заев изјави дека тие нема да поднесуваат иницијатива за поништување на одлуката денеска, туку дека тоа, според него, треба да го сторат оние кои ја донеле одлуката за избори на 24 април.
Се очекува во секој момент да започне седицата чијшто почеток службите во Собранието го најавија во 11 часот.
По долги и тензични засебни средби и преговори со посредници на САД и ЕУ, се чинеше дека партиите вечерва постигнаа договор за избори на 5 јуни.
Во меѓувреме, на својот твитер профил Стево Пендаровски ги подгреа сомнежите дека опозицијата навистина не се согласила со тој договор.
„Вечервa не е пoстигнaт дoгoвoр нa четирите пaртии зa 5ти јуни!
Три пaртии пoвтoрнo јa стaвaaт вo зaлoг Мaкедoнијa.“, напиша Пендаровски.