Александар Наумоски, кандидат за градоначалник на Ѓорче Петров денеска најави дека поднесува кривична пријава против Груевски, Ставрески и Сокол Митровски, заради „грубо прекршување на моето активно избирачко право помеѓу првиот и вториот изборен круг“.
Според Наумовски, ако најголемото право во една демократска држава во време на избори е слободно одлучување на граѓаните за кого да го дадат својот глас, „овие избори беа огромна неправда спроведена од нашите властодршци од ДПМНЕ“, истакна тој.
Наумовски додаде дека одлучувањето на Управниот суд за Ѓорче Петров е врвен срам за правната држава и директен показател за упадот на власта во изборите.
„Управниот суд поништи едно избирачко место заради уцена на гласачите на само едно избирачко место, а кое се случи во МЗ Волково, во која има вкупно 4 избирачки места.
– Ако Управниот суд одлучил дека ова прегласување ќе влијае на изборниот резултат, како е можно останите три места да не бидат поништени“, праша Наумовски.
„Заради тоа, Изборниот штаб на Сојузот за иднината во општина Ѓорче Петров, одлучи да не учествувам во третиот изборен круг.
– Истовремено ги повлекуваме сите наши контролори, со цел да победат 1.320 спрема 0, колку што има гласачи на тоа избирачко место, за да може актуелниот Градоначалник да ги оправда околу 50 милиони евра кои ги нема во општината од 2005. наваму“, вели Наумовски.
Тој ги повика поддржувачите на неговата кандидатура да не излегуваат в недела на гласање.