Кривична за спикерот Трајко Вељаноски за случувањата во Собранието на 24-ти декември, поради прекршување на Уставот, Законот за Собрание и Деловникот, и насилното исфрлување на пратениците и медиумите, поднесува „Сојузот за иднината“.
Координаторот на пратеничката група на СДСМ, Игор Ивановски изјави дека „било какви иницијативи за наадворешни, домашни, комбинирани, наводни комисии за дополнително утврдување на фактите“ претставува бегање од одговорноста на оние што ги „наредија и спроведоа настаните од црниот понеделник“.
Сојузот за иднината вчера од протестот пред Симпо во Скопје, побара владините претставници „да се соочат со политичката и со законската одговорност и да престанат да манипулираат ,да се кријат зад институциите, секогаш кога ќе треба да се соочат со одговорноста“.
Од тие причини во понеделник до скопското јавно обвинителство поднесена е кривична пријава против лицето Трајко Вељаноски, за злоупотреба на службената положба и овластување, потпишано од 42 пратеници.
Од Сојузот за иднината сметаат дека ниту ,,Гордана Јанкуловска е МВР, ниту таа е 12 илјади полицајци, туку само дел од политичкото-партиско тело коешто ја „киднапира и злоупотребува полицијата за партиски цели”.
И во таа смисла и лицето Трајко Вељаноски не е Република Македонија , ниту Собрание на Република Македонија , тој е само еден од пратениците и тоа оној кој што нареди да се погази парламентарната демократија”, додаде Ивановски.
Затоа, сметаат од Сојузот за иднината, мора да се соочат со политичката и со законската одговорност и да престанат да манипулираат, да се кријат зад институциите, секогаш кога ќе треба да се соочат со одговорноста.