СДСМ излезе со реакција по соопштението на ВМРО-ДПМНЕ, во кое се велеше дека Груевски во 2011 го прифатил предлогот нса Нимиц- Република Македонија (Скопје) кој би одел на референдум:
-ВМРО ДПМНЕ и денеска ги потврди аргументите што постојано ги истакнува СДСМ, а и се добро познати и потврдени на домашната, но и на меѓународната јавност.
Никола Груевски како премиер на РМ во 2008-мата година го прифати предлогот Република Македонија (Скопје) понуден од посредникот Метју Нимиц.
>>Писмото на Милошоски до ООН за името 2011
Тогашниот министер за надворешни работи, Антонио Милошоски, во писмено обраќање до Генералниот секретар на Обединетите нации официјално го потврди ставот на владата за прифаќање на предлогот Република Македонија (Скопје):
„Република Македонија прифати извесен број на предлози, предложени од господинот Нимиц, како основа за решение, вклучувајќи го и предлогот од март 2008-ма година Република Македонија (Скопје), кој Република Грција за жал го отфрли “ (стои на страна 2 од писмото на Милошовски до Обединетите нации).
Сите останати евентуални постапки и поставеност на владата што премиерот ги коментира, а никогаш не се случиле се обични шпекулации за домашна употреба и градење на култот на непопостливост на Никола Груевски во спорот со Грција.
>>Груевски: Да -за предлог Република Македонија(Скопје)во 2011
Ова е уште еден обид на Премиерот и ВМРО ДПМНЕ, очајнички барајќи алиби и оправдување за целосниот неуспех на политиките на владата во евроинтегративните процеси, вината да ја префрлат врз опозицијата.
Ставот на СДСМ по ова прашање е јасен и прецизен и особено во последниве неколку недели отворено презентиран при јавните насапи на раководството на партијата.
За разлика од СДСМ, премиерот Груевски и понатаму сите детали за процесот на преговарање со Грција ги држи во апсолутна тајност.
Очекуваме премиерот конечно да демонстрира политичка зрелост. Да престане да ја форсира меѓупартиската конфронтација и сериозно да пристапи кон решавањето на овој проблем, вели СДСМ.