СДСМ: Во 2013 на сметката на Сител легнале 1 милион евра

Медиумската Метастаза ББ на владата на Никола Груевски, со главно седиште Градски стадион ББ, се шири, објави денеска СДСМ.

„Според новите информации до кои дојдовме, на сметката на Сител телевизија, 23 дена пред локалните избори, Владата префрлила дополнителни 90 илјади евра.

– Значи 450 илјади евра на сметката на Сител на први март, 23 дена пред локалните избори!

– Но тоа не е се. Преку повеќе трансакции, на 7 различни денови во тек на 2013 година, Владата на Никола Груевски префрлила над 1 милион евра на Сител телевизија! За кампања. Владата од Илинденска ББ дели милиони на Градски стадион ББ!“, објави портпаролот на СДСМ, Петре Шилегов.

„Еден милион евра од Владата на Груевски на Сител, за реализација на кампања. Еден милион евра на семејната фирма на Талевска, за бизнисот со медицинска опрема.

– Еве како со пари на граѓаните се подмирува оваа милионската тарифа за корумпирање на медиуми и креирање на лажна реалност за истите тие граѓани.

– Преку пет поединечни трансакции во еден ден, на 27-ми јуни 2013 година, Владата на Никола Груевски префрлила на сметката на Сител телевизија 5 милиони 227 илјади 502 денари или 85 илјади евра. За реализација на кампања.

– На 27-ми август 2013 година Сител добива нови 85 илјади евра од Владата“, објасни Шилегов.

„На 25-ти октомври 2013 година Владата на Груевски префрла уште 55 илјади евра. За реализација на кампања.

– Повторно, на 11-ти ноември 2013 година Владата и дава на Сител телевизија нови 230 илјади евра преку 6 различни трансакции во еден ден.

– И преку други трансакции, на 30-ти ноември или 13-ти декември Сител добива од владата дополнителни 150 илјади евра! За реализација на кампања.

– Заедно со трансферите пред изборите, вредни 450 илјади евра, Владата префрлила на сметката на Сител телевизија повеќе од 1 милион евра! За 7 дена во 2013 година над 1 милион евра народни пари, за Сител! За кампања“, објави портпаролот на СДСМ.




Ако во само 7 дена Сител телевизија добива над 1 милион евра, колку пари годишно Владата и дава на Сител за реклами против опозицијата?, праша на крај Шилегов.