СДСМ обвинува дека и мајката на генералниот секретар на владата Кирил Божиновски има стан во вредност од 120 илјади евра во истата зграда со синовите на Силвана Бонева кој тој не го пријавил во имотниот лист во Антикорупциската комисија. На прес конфернецијата портпаролот на СДСМ Петре Шилегов рече дека „Аферата „скриени станови“ станува афера „зграда на скриени станови“ во која што зграда, според СДСМ, покрај синовите на пратеничката Силвана Бонева и министерката за внатрешни работи Гордана Јанкуловска стан имала и мајката на генералниот секретар на владата.
-Во анкетниот лист достапен на интернет, Генералниот секретар на владата, Кирил Божиновски, пријавил:
Стан од 89 м2 во Скопје од 1989 година, земјоделско земјиште во Злокуќани, автомобил од 1997 година, куќа од 34 м2 во Скопје, од 2011 година, сето тоа имот на родители. И уште 180.000 денари сопствен имот од продажба на половен автомобил.
Но, Кирил Божиновски, во овој анкетен лист сокрил друг стан од 89 м2, кој се води на име на неговата мајка, Василка Божиновска, со пазарна вредност од околу 120.000 евра.
Еве го имотниот лист исто така достапен на интернет. Тој потврдува дека мајката на генералниот секретар на владата, Кирил Божиновски, има стан од 89 м2 со подрумски простории од 34 квадрати. Адреса: „Димче Мирчев“ број 20, Скопје, нова зграда.
Божиновски не успеал да си купи стан како што успеале двата сина на Силвана Бонева и како што успеала министерката Гордана Јанкуловска. Очигледно во тоа успеала неговата мајка.
Значи во оваа зграда, некој кат погоре од двата стана на синовите на координаторката на ВМРО-ДПМНЕ, и некој кат подоле од станот на министерката за внатрешни работи, стан има и мајката на Кирил Божиновски, Генерален секретар на Владата на ВМРО-ДПМНЕ.
За нулите на Мијалков виновна беше Антикорупциска комисија, за становите на двата сина на Бонева исто така, за станот на Јанкуловска повторно Антикорупциска виновна.
Која институција ќе биде виновна сега, за криењето на имотот на мајката на Божиновски?
Јавноста очекува одговори и конечно одговорност.
Постојат ли воопшто институции во оваа држава што ќе превземат нешто?, е целисниот текст од прес конфернецијата која ја одржа Шилегов.