Новинарот Фиљос Стангос во интервју за НОВА: Ако е Република Горна Македонија тогаш тоа е во согласност со грчките медиуми. Грција уште пред десет години се изјасни дека ќе прифати име со придавка пред него со цел да се направи разлика помеѓу двете страни. Стангос со Јовановски.
-Што вам ви прави разлика дали ќе биде Горна Република Македонија или Република Горна Македонија?
-Има разлика. Придавката мора да биде на географскиот термин, а не република затоа што Горна или Долна Република, Северна или Јужна Република нема никакво значење, тоа е бесмисленост, или е република или не е република. Придавката на самото име е она што е важно, значи Република Горна или Долна Македонија или Република Северна или Јужна Македонија, тоа е важно. Во спротивно, би било бесмислено. Не знам дали е толку важно за грчкото јавно мислење за да го прифатат или да не го прифатат Горна Република Македонија, но е бесмислено.
-Предлогот беше претставен во дел од медиумите во Грција, имате некакво искуство околу реакциите во јавноста и политичките елити, што мислите, како ќе ја оцените реакцијата на јавното мислење по презентацијата на овој предлог во медиумите?
-Немаше реакција. Никаква реакција. Како и да е, Грците се окупирани со грижите околу економската ситуација и овој проблем, како што реков, не е високо во агендата, и досега сме виделе многу многу предлози и во поголемиот дел од времето тие беа одбиени од страна на Скопје. Тоа не значи дека грчката јавност нема да има никаква реакција на предлогот, каков и да биде, но ние сме во многу многу тешка економска ситуација, ние сме во ќош и зависиме тешко од нашите пријатели, но тоа не значи дека предлог за решение кој би бил навредлив ќе помине добро. Сепак, не е во топ приоритетите на националната агенда во Грција.
-Со оглед на тоа дека започна последната рунда дискусии има ли барем некаква дебата на тв станиците?
-Ниту една досега. Дебатата е дали Грција ги превземала мерките кои се потребни за да биде во можност да ја добие економската помош од ММФ и од Европската унија. Нема дебата по ова прашање.