Капитенот на сениорската селекција со честитки за младите фудбалери за пласманот на ЕП 2017 во Полска
Горан Пандев се јави преку социјалните мрежи по пласманот на младите фудбалски репрезентативци на Македонија на Европското првенство во Полска наредната година. Капитенот на А тимот им честиташе на идните сениорски репрезентативци за големиот успех во кваификациите за ЕП 2017.
„Ми ја наполнивте душата. Ме направивте неизмерно среќен. Би ги заменил сите национални, куп, европски и светски титули, голови и лични признанија за само една да доживеев ваков магичен успех во дресот на националната селекција. Вие успеавте. Денеска сум горд на вас, горд Македонец. Секоја чест момци, знам дека нема да застанете тука“, напиша Пандев во пораката на својот „Инстаграм“ профил.