Дали платформата ќе прерасне во партија ќе зависи колку ќе добијат поддршка, но и доверба од граѓаните за вo нив да препознаат идеја која што како што велат нема да има лидер, ниту функционери, ниту раководство, ниту пак ќе се борат за фотелји.
Душица Мрѓа
Се крчка македонски ДОС – платформа која што треба да го обедини опозициско, критичкото мислење и како што велат иницијаторите прогресивната јавност. ТВ 24 разговараше со дел од нив , засега сакаат да останат анонимни но велат дека фокусот на платформата која што наскоро ќе ја понудат на граѓаните, не е преземање на СДСМ ниту пак одработување за ВМРО ДПМНЕ, туку конкретен концепт кој треба како што велат да ги порази политикантите.
Дел од неа се поранешни функционери на СДСМ, поранешни пратеници, поранешни градоначалници, но и актуелни пратеници и градоначалници, но најголем број надворешни членови, професори, интелектуалци, членови на невладин сектор, аналитичари. Од иницијативата се оградуваат од поранешниот пратеник Петре Шилегов , на кого СДСМ му најави исклучување.
– Целосно се оградуваме од неговите ставови и потенцираме дека тој не е дел од иницијативата бидејќи не ги споделува нејзините клучни вредносни критериуми.
Дали платформата ќе прерасне во партија ќе зависи колку ќе добијат поддршка, но и доверба од граѓаните за вo нив да препознаат идеја која што како што велат нема да има лидер, ниту функционери, ниту раководство, ниту пак ќе се борат за фотелји. Тврдат идејата е поради тоа што истражувањата покажале дека во Македонија има една силна партија и повеќе расцепкани опозициски партии, а на двете страни политиканти кои тврдат живеат по имагинарен свет
– Тие заради кои политичко општествениот ангажман стана неприфатлив и срамен и заради што сите кој можат да придонесат го избегнуваат. Нема борба со корупцијата, реформи во судството, квалитетно здравство и образование со површност. Граѓаните треба да раскрстат со импровизаторите во политиката- велат за ТВ 24 од иницијативата
Му порачуваат на Венко Филипче и на раководството на СДСМ дека не им се во фокусот и не планираат да се занимаваат со внатрешни реформи и преземање на партијата . Идејата не име да бидат фракција на СДСМ, нова НСДП, ЗНАМ, Демос …
„Иницијатори на платформата“
– Граѓаните се уморни од бесконечните дебати за внатрешните состојби во СДСМ. Затоа, ние го оставаме ова раководство на СДСМ да си живее во сопствениот имагинарен свет. Притоа, ние не бегаме од нашиот дел од одговорноста за актуелните состојби во СДСМ. И ние на еден или друг начин, во едно или друго време сме придонеле за слабостите на СДСМ.
На обвинувањата кои веќе индиректно стигнуват на нивна сметка од СДСМ велат дека тие одработувата за ВМРО ДПМНЕ и им порачувата да си ја работеле својата работа.
„Иницијатори на платформата“ велат:
– „Раководството на СДСМ да имаше капацитет, знаење и волја да ја обедини опозициската енергија против оваа неспособна власт немаше да има потреба од ваква Иницијатива”
Промоцијата се најавува наскоро, а во иницијативата место ќе има и за партии кои ќе се препознаат во концептот.
Текстот е сопственост на ТВ 24.мк