Македонските политички партии изгледа дека се добро подготвени за изборниот процес. Ова го докажува присуството на многу автобуси со гласачи од Македонија кои донеле во Тирана десетини гласачи од Општина Пустец – Корча. Тие за да гласаат ги предаваат албанските лични карти и одат да гласаат по добивање на македонските лични карти.
ТВ А1 Репорт од Тирана и новинарот Ервин Кочи, следејќи го одблиску овој процес, го откриле начинот на гласање кој е организиран од македонските политички партии со намера да се зголемува бројот на гласачите од дијаспората.
Службеници од македонската амбасада во Тирана, не дозволувајќи им на медиумите да го снимаат внатре гласачкиот процес, ни рекоа дека треба посебна акредитација од ДИК-Скопје.
Но други вработени, Албанци, во оваа амбасада го сметаат процесот како манипулација од страна на Владата во Скопје.
“Имаме сигурни и документирани информации каде се злоупотребува фотографијата, дека има купување на гласови. Во еден од локалите спроти амбасадата одредени лица ги предаваат албанските лични карти заменувајќи ги со македонски и за оваа услуга тие добиваат пари. Ова се прави од македонските политички партии кои се тука спроти нас и ја вршат уплатата”, вели Норик Селими, делегиран од ДИК во амбасадата во Тирана.
Новинарот Ервин Кочи прашал колку е износот на уплатата?
“Јас не знам, имаме информации дека се врши купување на гласови и овие информации од нашите набљудувачи говорат дека ова се случува спроти амбасадата”, вели Норик Селими.
Македонската амбасада ги отвори вратите во 08.00 часот за изборниот процес. Во меѓувреме во близина на патот за Каваја десетици жители од Пустец ги менуваа своите лични карти пред да гласаат. Од тоа што успеавме да дознаеме ова се прави со плаќање на одредена сума.