Индиректните преговори за траен прекин на огнот во Газа треба да почнат денес во Каиро каде што се очекува доаѓањето на израелската делегација, изјави палестински функционер кој не ја отфрли можноста да биде донесена одлука за нов прекин на огнот кој би бил привремен и би дозволил да се напредува со преговорите.
Во петокот Хамас го одби продолжувањето на прекинот на огнот за три дена обвинувајќи го Израел дека не сака да преговара врз отстранувањето на блокадата врз Газа.
Според Палестинците наредните 24 часа се одлучувачки и во текот на нив ќе се одлучи дали ќе има преговори или не. Еден друг функционер на Палестина преудпреди дека нивната екипа ќе го напушти Каиро за да се консултира со раководството во Палестина доколку Израелците не стасаат во Каиро денес.
Египет е ангажиран во преговорите и повеќе пати ги повика двете страни да прекинат со непријателствата кои од 8 јули однесоа 2000 жртви, пред се Палестинци и деца.