Откриено е беснило кај домашна мачка неофицијално дознава НОВА од лекарски извори. Мачката која најверојатно била чувана во домашни услови, пред некој ден била прегазена од автомобил, а аутопсијата, односно испитувањата на мозокот направени на Факултетот за ветеринарна медицина покажале дека е заболена од беснило.
Веста бргу се проширила во ветеринарните, но и во медицинските кругови. Семејството кое што ја чувало мачката е сега под надзор, а на нив треба да им се направат задолжителните испитувања.
НОВА се обиде да добие повеќе информации од Факултетот за веринарна медицина каде што е откриенпо беснилото, но од таму не упатија во Агенцијата за храна и ветиранство. Од таму денеска не добивме информација за кој тип на беснило станува збор, колку е опасно и со каква брзина може да се прошири. Нејасно е и зошто Агенцијата досега не ја соопшти веста за граѓаните да се информираат навреме за оваа опасна болест.
Она што треба да одговорат од Агенцијата е како мачката дошла во контакт со смртоносниот вирус и дали е направена истрага за да се открие изворот на заразата.
Во Европа врие од беснило кај лисиците. Ситуацијата во Источна Турција е критична.
Информациите говорат дека бранот на беснило се движи кон јужнот дел од континентот.
Вакцинација на лисиците со авион започна во Хрватска и Србија, а кај нас вакцинација се очекува да биде спроведена деновиве. Инаку, според законската процедура кучињата треба задолжитело да се вакцинираат против беснило еднаш во годината, а за мачките не е задолжителна оваа вакцинација.