49 годишна жена на својот сопруг му даде бубрег, превентивно уште пред да почне да оди на дијализа.
Операцијата е сеуште во тек и преставува 51 трансплантација од почетокот на минатата година до сега. Од тимот на Клиниката за урологија велат дека уште десттина пациенти се подготвени за да им биде извршена трансплантација на бубрег.
Со ова Македонија стана лидер по број на трансплантации од жив дарител во регионот. Лекарите велат дека бубрег даваат роднини од прво колено мајка, татко брат или сестра, но често се случува и сопружници да си донираат бубрег.
-Досега имаше само едно отфрлање на бубрег и еден смртен случај поради сепса. Сите останати пациенти се во добра здравствена состојба изјави доктор Сашо Дохчев од тимот за трансплантација.
Додека трансплантациите од жив дарител се во подем, кадаверичната трансплантација од починат донатор и покрај усвојувањето на законот и понатаму стагнира.
-Имаме опрема и медицински кадар, но нема мотив кај граѓаните за да се согласат на такво нешто. Во државата во просек има околу 100 случаи со мозочна смрт, а со пресадување на нивните бубрези би се спасиле 200 пациенти на дијализа изјави доктор Михаил Пенев директор на Клиниката за урологија.
Трансплантациите ги работи еден тим од шест лекари и сето тоа го прави ентузијастички без никаква надокнада. Тие велат дека министерот Тодоров ветил дека ќе ги награди, но засега нема ништо од тоа, работат и понатаму за плата.