СЕБИ поднесе молба до Врховниот суд да се казни шефот на Сахара, Субрата Рој, заедно со своите две фирми и нивните директори за непридржување до одлуката со која треба да вратат 4.4 милијарди долари на инвеститорите, јавува „ЕкономикТајмс“.
Побивајќи го тврдењето на Рој кој тврдеше дека не може да биде казнет за невраќање на пари од страна на Сахара Индија Недвижнини Корп ДОО (SIREC) и Сахара Индија Домување (SHIC), регулаторот на пазарот вели дека бизнис магнатот држи 70 отсто од акциите во компаниите одговорни за непочитување на судот, кој казнува до шест месеци затвор или парична казна.
>> Груевски и Субрата Рој можат да ја контролираат Македонија?
„По основ на тоа што е промотор на компаниите, тој ја има истата позиција како што ја имаат директорите на компаниите, и тој исто така е одговорен за непочитување на судот. Тој е подложен на казна заедно со другите директори на компаниите“, изјави адвокатот Арвинд Датар пред судиите во судот, К.С. Радакришна и Џ.С Кехар.
Датар побара максимална казна за Рој и другите по основа на член 12, според кој би добил максимална казна до шест месеци затвор.
„Имајќи ја во предвид големината на фондот собран од страна на компаниите, случајот
одговара за изрекување на максимална казна на Рој и компаниите“, рече тој.
„Не постои почист случај на непочитување. Неплаќањето на средствата е еднакво на презир“, додава тој и според него компаниите прекршиле не една туку три одлуки на судот.
Регулаторот на пазарот тврди дека компаниите не се во согласност со налозите на судот донесени на 31 август, и 5 декември минатата година за прашањето на враќање на износот.
Судот денес сослушуваше три петиции против Рој двете фирми и нивните директори, кои својата одбрана ќе ја искажат на следното сослушување на 6ти август.
Врховниот суд на 31 август минатата година и нареди на групацијата Сахара да го врати износот до крајот на ноември. Крајниот рок беше дополнително продолжен и компании беа насочени да вложат 950 милиони долари веднаш, а речиси 1,9 милијарди долари во првата недела од јануари, додека преостанатиот износ во првата недела на февруари.
Според СЕБИ, групацијата исплатила само 950 милиони долари но не и останатиот дел од сумата.
>> Субрата Рој под истрага во Индија за фантомските инвеститори