Седуммина се повредени во сообраќајна несреќа која се случи попладнево близу Гостивар. Повредени се и две деца, јавуваат македонските медиуми.
Од тетовската полиција велат, три возила учествувале во сообраќајката. Се работи за автомобил „Голф“ со италијански регистерски таблички, „Опел Астра“ со кумановски, и „Пежо 207“ со охридски таблички.
Четворица од повредените се здобиле со посериозни повреди.
Од „Голфот“ повреден е 36-годишниот возач, како и две жени кои биле во автомобилот.
Во несреќата повреден е и 35-годишниот возач на „Астра“, кој во автомобилот бил со сопругата и двете малолетни деца, 7-годишно момче и 5-годишно девојче.
Децата заедно со уште тројца други повредени, поради состојбата од повредите се пренесени во скопските клиники, додека на двајца им е укажана лекарска помош во гостиварската болница.
Според информациите, несреќата се случила во моментот кога автомобилот од марката „Голф“ го претекнувал автомобобилот „Пежо“ во правец кон Кичево, додека од другата страна на коловозот, автомобилот „Опел Астра“ претекнувал товарно возило, поради што дошло до директен судир меѓу „Голфот“ и „Опелот“, а со помала штета поминало „Пежото“.
По речиси два и пол часа заглавениот сообраќај, увидот на местото на несреќата е завршен, а сообраќајот по двете коловозни ленти е нормализиран.