Генетските, односно биолошките и културолошките потенцијали на кои можеме да сметаме во обновата на нацијата и државата во присуство на вмро како идентитетски селотејп, се сведени на еден градус над нулата. Катастрофа!
Бранко Тричковски
Единствената врска меѓу луѓето што до неодамна беа Македонци, не само според своето лично чувство, туку и поради магијата на заедницата која му даваше на тој идентитет квалификувана каквост, е селотејпот на вмро кој ги фиксира во неразделен, нескршлив и неподвижен пакет кој плута во океанот на историјата чекајки да го открие некој свет што ќе им даде гаранции.
Пред да се исподават.
Хахаха!
Се покажа дека во таканаречениот македонски корпус доминираат комити кои вмрото го примаат како омега три масни киселини со мајчиното млеко.
Тоа е.
Вмро не прави од Македонците идиоти, тој е само медиум кој им овозможува да се ослободат од тесното и строго одело на нацијата.
Како нешто наметнато и неприродно.
Неисцицано од градите на мајките.
Во маса која на државата гледа како на гумно за зурли, тапани и ора.
Низ чашка за гради број три.
Криптон го гледаат низ толкаво цамче.
Лепота!
Што значи дека поединците кои реално и нормално гледаат на себе и на светот се поретки отколку златните грутки во Анска река.
Генетските, односно биолошките и културолошките потенцијали на кои можеме да сметаме во обновата на нацијата и државата во присуство на вмро како идентитетски селотејп, се сведени на еден градус над нулата.
Катастрофа!
Ова е објективна анализа, не е тоа никаков фатализам.
Толкави, ако не и помали, на почетокот биле шансите на сите што се нафаќале со големи теми и проекти.
Јас сум разочаран од луѓето, остер сум во оценките, но не ги отпишувам во врска со изгледите за некои нови перспективи.
Вистината е нужна и е исцелителна.
Катарзична.
Таа е неспоива со типови каков што е вршителот на должноста премиер.
Со вмро- дпмне.
И со вмро воопшто.
Затоа вреди да продолжиме да го бараме златото во реката на животот.
Ќе најдеме прекрасни луѓе.
А и тие можат да не најдат нас.
Овие лепешки што комитите ги лепат врз нашата заедничка куќа се тешка срамота.
И вморонската опција ќе си ја исчука главата од плафонот на времето и можностите.
Тоа е така нормално.
Од Фејсбук ѕидот на авторот