Посмртните останки на Ивана Трамп беа пренесени од Њујорк во голф-клубот на поранешниот претседател Доналд Трамп во Њу Џерси, откако нивните деца и оддадоа почит на нивната мајка за која рекоа дека била „олицетворение на американскиот сон“.
Трите деца на Ивана – Доналд Трамп Џуниор, Ерик и Иванка – сите зборуваа на богослужбата во црквата Сент Винсент Ферер на Апер Ист Сајд пред 100-тина присутни меѓу кои екс претседателот на САД Доналд Трамп, неговата сопруга Меланија и нивниот 16-годишен син Барон.