„Имам чувство како некој да раководи со Македонија со далечински управувач“, вели во интервју за Утрински весник академик Томе Серафимовски, скулпторот, кој од неодамна е третиот лустриран академик.
На прашањето дали постои коинциденција во тоа што тој беше лустиран веднаш по одбраната на академик Славко Јаневски, Серафимовски вели: Ми пречи тоа што Комисијата за верификација на факти се пресметува со мртви луге.
„Славко Јаневски има една прекрасна книга која се вика „Орач меѓу скелети“. Во неа како да го предвидел тоа што се случува сега, бидејќи Комисијата за лустрација како да ора по скелети. И не случајно во еден мој јавен настап реков дека кога Комисијата се дрзнала на ваков начин да се справува со еден Славко Јаневски, утре може и со Блаже Коневски, со сите основоположници на Академијата. Им реков: повелете во МАНУ, лустрирајте не’ сите по ред и во ваш стил, а бидејќи државата е наш основач, може и да не растури“, одговара Серафимовски.
„Во моето ателје можете да ги видите моите фотелји се од камен, од бронза, глина, гипс. Ако такви фотелји им требаат на политичарите или на било кој од членовите на Комисијата, нека повелат – нека седнат на нив.
– Што се однесува до соопштението, тоа е реакција на Претседателството, а не на целото МАНУ, која како што беше речено, допрва ќе се произнесе со став во септември по одржаното Годишното собрание. Содржината на соопштението нема да ја коментирам, иако ми засмета тоа што не се наведени причините за состанувањето. Претседателството не се состанало среде годишни одмори за да дискутира генерално за лустрацијата, туку белким, за конкретни личности како Славко Јаневски, Божин Павловски, Томе Серафимовски“.
За збогувањето на академик Божин Павловски од МАНУ и од Друштвото на писатели, Серафимовски вели дека не го оправдувам ставот на Павловски, иако е негова лична одлука, од причина што никој од Академијата го нема него лустирано, прогонато, ниту пак, утврдиле факти.
„Академијата го верифицира творештвото на Божин Павловски и за тоа тој е овде и примен. Тој не треба да заборави дека при приемот и давањето согласност да биде ставен на трансфер гласање на Собрание, потпишал согласност да биде избиран, гласан. И неговиот избор е доживотен. Тој може да не доаѓа на состаноци на одделението, да не сака да биде член на некои тела, да не гласа. Но, едно е да бидете член на МАНУ, а сосема друго да бидете член на Друштво на ликовни уметници или писатели“, вели во интервју за Утрински весник академик Томе Серафимовски.
Тој вели дека за одлуката на Лустрациска нема да се жали пред Управниот суд.