Интер му врачи отказ на Фран де Бур. Холанѓанецот се задржа на клупата на „нероазурите“ само два ипол месеца. Ангажманот во Милано го прифати во август на две недели до почетокот на сезоната во Серија А и од тогаш забележа седум порази во 14 средби во сите натпреварувања. Пресуден за него беше неделниот пораз од Сампдорија шти ја прели чашата на незадоволство кај навивачите, но и кај раководството.
Челниците на Интер минатата недела му изразија поддршка на Де Бур, но сега ја преиначија одлуката. За новата го известиле утрово, па работата со првата екипа му е доверена на тренерот на младинците, Стефано Веки. Тимот од „Џузепе Меаца“ е 12 на табелата во Серија А по 11 одиграни кола, а загуби и во два од трите меча во групната фаза во Лига Европа.
Италијанските медиуми пренесуваат дека најсериозни кандидати за наследници на Фран де Бур се Португалецот Андре Вилјаш Боаш, поранешен тренет на Тотенхем и Зенит и на екс кормиларот на Лацио, Стефано Пиоли.