Шајка не се прави од шајка туку од железо

Треба да се опишува, а не да се објаснува и анализира.

Тоа е првата лозинка на феноменологијата на Хусерл.

Еве како изгледа тоа преку едно искуство од Салзбург.

На Европскиот самит во Салзбург, Мицко беше туѓо тело, некаква форма на хуманоиден вурус кој оставаше впечаток дека ако се задржи повеќе од два дена ќе предизвика инфекција кај присутните и епидемија во Унијата.

Дебело поткапацитиран тип за европска политика.

Гајда која го свири Моцарт.

Мало повардарско милтонче кое и се заканува на пристојноста, ученоста, добронамерноста, солидарноста, модерноста, во убавиот австриски град.

Ако е Бастер Китон Кандид со фронтална лоботимија (Сузан Сонтаг) тогаш Мицко е тоа во однос, на пример, на Шуман.

Првата и најубава особина на природата е непрекинатото движење, а тоа движење не е ништо друго туку непрекинато нижење на злосторства и таа го обновува, имено, со тие злосторства.

Природата на Мицко е многу блиска до природата што така убаво ја опишува Маркиз Де Сад.

Тој и неговито дело се непрекината низа од злосторства.

Неговите фантазии како големи парчиња мебел не можат да поминат низ европската рамка на нормалноста.

Интелигенцијата, вели Џаспер, не е нужно нешто добро нешто што треба да се вреднува или негува. Тоа е повеќе како пето тркало- нешто потребно или пожелно кога ќе дојде до крах. Кога се оди добро подобро е да се биде глуп. Глупоста е вредност исто колку и интелигенцијата.

Не е јасно дали тој се обидува да ја игра улогата на пето тркало или е глуп.

Но, ова е најважно:

Да се подигне структурата на разбирањето, да се има компаративен поглед на светот, компаративни свести, за да се надмине тагата, стравот, лажната надеж, за да се смисли страгегија, да се има реалистична надеж и да не се прават грешки за да се искуси овладувањето со противмерките со вложување на напорите на интелигенцијата во спротивставувањето на емоционалниот пораз и чувството на немоќ…

Ја читал ли тој Сузан Сонтаг.

Неговите говори личат на парафазија, на збркан неразбирлив говор предизвикан од некој тромб во левата половина на мозокот

Смешен е кога се обидува од шајка да направи шајка.

Шајка, Мицко, се прави од железо!